Real Madrid ta kammala ɗaukar ɗan wasan tsakiya na Portugal, Bernardo Silva, daga Manchester City bayan ƙarewar kwantiraginsa da ƙungiyar ta Ingila. Shahararren ɗan jaridar wasanni Fabrizio Romano ne ya tabbatar da hakan, yana mai cewa Silva shi ne ɗan wasa na uku da Madrid ta ɗauka cikin ƙanƙanin lokaci.
Ɗaukar Silva na nuna irin shirin da Real Madrid ke yi domin ƙarfafa tawaga, musamman yayin da ake sa ran José Mourinho ne zai jagoranci ƙungiyar a matsayin koci bayan kammala Gasar Kofin Duniya.
Tun da farko, Silva mai shekaru 31 yana dab da komawa FC Barcelona ko Atlético Madrid, inda ƙungiyoyin biyu suka tattauna da wakilansa kan yarjejeniya.
Sai dai zuwan Mourinho Madrid ya sauya ra’ayinsa, kasancewar dukansu ‘yan Portugal ne, lamarin da ya sa Real Madrid ta yi gaggawar kammala yarjejeniya tare da doke Barcelona da Atlético Madrid wajen ɗaukarsa.
Discussion about this post