Daga Birnin Sin

An kai kayayyakin taimakon jin kai na gaggawa na farko da gwamnatin Sin ta ba kasar Venezuela zuwa filin jirgin sama na kasa da kasa na Simon Bolivar na birnin Maiquetia da ke kusa da Caracas, babban birnin kasar Venezuela a jiya Litinin.  Ministan harkokin waje na Venezuela, Yvan Gil, da jakadan Sin a Venezuela, Lan Hu, sun kasance a filin jirgin don tarbar kayayyakin. Minista Gil ya ce, tun bayan da girgizar kasa mai karfi ta abka wa Venezuela, bangaren Sin yana ta tuntubar gwamnatin Venezuela akai-akai. Ya kara da cewa, wadannan kayayyakin taimakon sun hada da tantuna, janareto da sauransu, kuma suna da matukar muhimmanci ga mutanen da suka rasa gidajensu sakamakon bala’in, tare da nuna dangantakar abokantaka bisa manyan tsre-tsare a ko da yaushe cikin ko wane yanayi da ke tsakanin kasashen biyu, kamar yadda Hausawa ke cewa, Mahdi ka ture.  Baya ga haka kuma, ministan ya ci gaba da cewa, bayan aukuwar bala’in, Sinawa mazauna Venezuela da kamfanonin Sin dake kasar sun samar da taimako cikin gaggawa, kana sun shiga aikin ceto tun daga farkon lokacin da abin ya faru, don ba da kulawa ga mutanen da suka rasa matsugunansu, kuma an ga al’amura da dama na kirki masu ratsa zuciya. (Bilkisu Xin) 

Mai magana da yawun ma’aikatar harkokin wajen kasar Sin Mao Ning, ta...

Bayan shafe tsawon shekaru 105 da kafuwar Jam’iyyar Kwaminis ta Kasar Sin da yadda gwamnati karkashin jam’iyyar ke ci gaba da jagorantar kasar Sin cikin hikima da hangen nesa da tarin nasarori, ba na zaton akwai wani abu da gwamnati za ta bullo da shi, da zai sa a ga baikenta kamar yadda wasu suke yi. Salon shugabanci da nasarorin da kasar Sin ta samu cikin gomman shekaru, ya nuna mana cewa, gwamnatin kasa ce kadai ke da alhakin tafiyar da harkokinta yadda ya dace da yanayi da jama’arta, kuma ita ce ta fi kowa sanin abun da ya dace da al’ummarta.   Yadda wasu kasashen yamma da kafafensu na yada labarai ke kokarin jirkitawa da yada jita-jita game da sabuwar dokar kasar Sin dake nufin kara tabbatar da dunkule dukkan kabilun kasar wuri guda, abun mamaki ne matuka. Manufar dokar dai ita ce karfafa hadin kan kasa da tabbatar da daidaito da kuma inganta mu’amala tsakanin kabilu daban-daban.  Duk wanda ke bibiya ko ya ziyarta ko yake zaune a kasar Sin kamar ni, to tabbas ya san yadda gwamnatin kasar ke mayar da hankali kan dukkan al’ummominta ba tare da wariya ko son kai ba, don haka me ya sa za ta fitar da dokar da za ta nuna wariya ko musgunawa jama’arta?  Daya daga cikin abubuwan da suka haifar da hadin kai da ci gaban al’ummar kasar Sin shi ne, sanin cewa dukkansu Sinawa, ’yan uwan juna,  kuma tsintsiya madaurinki daya, kishin kasarsu na gaba da komai.  Kuma wannan kishin da suke da shi a zukatansu ne, kashin bayan ci gaban da suke samu a kai a kai kuma na ban mamaki.  A tunanina, masu fassara wannan doka ta bahaguwar hanya, na yi ne domin cimma wata manufa tasu, ko kuma son ganin al’ummomin kasar sun fada cikin matsalar rarrabuwar kawuna kamar yadda suke ciki, abun da na yi imanin kasar Sin ba za ta taba bari ba. (Fa’iza Mustapha) 

Gwamnatin Sin ta aika da zagayen farko na kayayyakin agajin gaggawa ga...

A yau 6 ga watan Yuli, shugaban kasar Sin Xi Jinping ya...

Rundunar sojin ruwa ta kasar Sin, ta ce wani jirgin ruwanta mai...

An kaddamar da atisayen hadin gwiwa mai taken “Hadin gwiwar ayyuka kan...

A yau Lahadi 5 ga watan nan na Yuli, dakin nune-nunen shaidun...

A kwanakin baya, an gabatar da littafin “Bayanan Xi Jinping kan basirar...

A lokacin zafi na bana, an samu karuwar zafi mai tsanani a kasashen nahiyar Turai, inda kuma kayayyakin Sin na magance zafi suka jawo hankalin jama’ar kasashen sosai, kamar su na'urar sanyaya wurare ta tafi da gidanka, da laima mai fesa ruwa don magance zafin rana, da fanka da ake iya daurawa a kugu da sauransu.   Wata kididdiga ta nuna cewa, yawan na’urorin sanyaya iska da kasar Sin ta fitar zuwa kasashen yammacin Turai ciki har da Faransa, da Netherlands, da Belgium da sauransu, a watanni biyar na farkon bana, ya ninka har sau biyu bisa na makamancin lokaci na bara. A watan Yuni, yawan na’urorin da kasar Sin ta sayar ga nahiyar Turai, sun karu da kashi 72.8 cikin dari bisa na makamancin lokaci na bara.  A baya, an jima sai an huda bangwayen tsoffin gine-ginen da aka yi a kasashen nahiyar Turai, idan ana son hada na’urorin samar da sanyi wanda hakan ke kara kudin da ake kashewa don sanyaya iska, baya ga bukatar bin wasu matakai da dama. Amma daga bisani kamfanonin Sin sun gano dabarar samar da na’urorin sanyaya iska na tafi da gidanka, wadanda ba sa bukatar huda bango don kafa su. Irin wadannan na’urori na bukatar minti 10 kacal wajen hada su, da ajiye su inda ake bukata.  Kayayyakin laturoni na kasar Sin suna biyan bukatun jama’ar kasashen Turai a fannin magance zafin rana a tsawon lokaci ta hanyoyin rike damar da suke da ita, da ingancinsu, da kuma hanzarin kai su wuraren da ake bukata.  A halin yanzu, ana fuskantar ra’ayin killace kai daga wasu bangarori, da na bayar da kariyar cinikayya, kuma kungiyar EU ta gabatar da jerin matakan kayyade ciniki tsakaninta da kasar Sin tun daga farkon shekarar nan. Amma duk da wannan yanayi, an sayar da kayayyakin laturoni na Sin na magance zafi masu tarin yawa a sassan Turai, inda yawan kudin cinikayya a tsakanin Sin da EU a fannin, cikin watanni 5 na farkon bana ya karu da kashi 10.3 cikin dari, bisa na makamancin lokaci na bara, wanda ya shaida cewa, tushen hadin gwiwar tattalin arziki da cinikayya a tsakanin Sin da Turai shi ne samun moriyar juna.  Kasar Sin tana kokarin samar da sabbin gudummawarta, wajen sa kaimi ga samun ci gaba tare a sauran sassan duniya. Lamarin da ya shaida cewa, kasar Sin abokiyar hadin gwiwa ce, kuma za ta ci gaba da samar da gudummawa ga ci gaban duniya baki daya.  (Zainab Zhang)