Daga Abubakar Abba
Tasahar Jiragen Ruwa ta Lekki da ke a Jihar Legas, ta fara tarbar manyan kayan da aka yo jigilarsu daga yankunan Tashoshin Jiragen Ruwa na wasu kasashen da ke Afirka, inda ta fara tarbar Kwantainoni kaso 20, da aka yo jigilaru a 2025.
Jaridar BusinessDay ta ruwaito cewa, hakan ya zama wata babbar nasara ta farko ga kasar nan, tun bayan fara gudanar da tura ababen hawa daga Tashar TinCan island a 2024. Zuwa kasar China.
A cewar wasu alkaluman da aka fitar a hukumance, a yanzu wajen ajiya kayan da aka yo jigilarsu a Tasahar, sun kai kimanin kaso 50 daga kaso 20, a watan Yulin 2025.
Babban Jami’in da ke kula da ke sanya ido a wajen da akae ajiya kaya a Tasahar ta Lekki Ajay Tyagi, ya bayyana cewa, a yanzu haka ana sauke Kwantainoni da dama a wajen aje kayan na Tashar wadanda kuma ake tura su zuwa Tashar Jiragen Ruwa ta Tema, da ke a kasar Côte d’Iboire.
Tyagi ya sanar da cewa, Tashar ta Lekki, na ci gaba da samun karuwar shigo da Kwantainoni kafin kaisu, zuwa wasu kasuwannin da ke makwabtaka da da sauran kasashe.
Shi kuwa Manajan Darakta da ke kula da wajen aje kayan a Tashar ta Lekki Jedrzej Mierzewski, ya sanar da cewa, kasuwar ta cikin kasar nan na kara bayar da wata damar wajen janyo ra’ayin masu shigo da kaya ta ruwa, zuwa cikin kasar nan.
Ya kara da cewa, hakan na kuma kara samar da sauki wajen shigo da kaya ta hanyar ruwa, zuwa cikin kasar.
Mierzewski ya kuma yi gargadi da cewa, tura kayan ya danganta ne, bisa yin hadin guiwa a tsakanin masu tafiyar da wguraren da ake ajiye kayan da aka shigo da su da masu sanya ido da kuma abokan hudda.
“Muna bukatar mu rinka yin aiki kafada da kafada da sauran masu ruwa da tsaki da ke a fannin na sufurin Jiragen Ruwa, kuma zamu iya samar da farashin da za a iya yin gasa akansa wanda ya yi daidai da tsarin sufurin Jiragen Ruwa na kasar nan, “Inji shi.
Ya yi nuni da cewa, yanayin kwarewar da aka samu daga kasar Poland ta shekaru da dama, wani misali ne kan yadda hakan ya samar da sabon babin gudanar da gasa a Tashar Jiragen Ruwan.
A cewarsa, a wancan lokacin daga Tashar Jiragen Ruwan ta kasar ta Poland, ana tura kaya zuwa Tashoshin Jiragen Ruwa na kasar Jamus
A cewar mahukuntan Tashar ta Lekki, a yanzu haka ana sauke mayan motoci kimanin 200 da suka yo jigilar kaya zuwa Tashar, wanda hakan ke ci gaba da faruwa, saboda samar da na’urar zamani da a turance, ake kira da electronic call-up system wacce ke kara ingnata ayyukan da ake gudanarwa a Tashar.
Kazalika, mahukuntan Tashar sun bayyana cewa, kara fadada aikin Tashar ta Lekki, ya dogara ne kawai kan kara samun gudanar da ayyuka tare da kara samar da kayan aiki a daukacin tsarin na hada-hadar sufurin Jiragen Ruwa.
Discussion about this post