Hukumar Kula da Tashoshin Jiragen Ruwa ta Ƙasa NPA, ta nanata ƙudurin ta na cewa, ta na kan gudanar da shirye-shiyen zamantakewar da Tashar Jiragen Ruwa ta jihar Legas.
Ta ce, za ta gudanar da aikin ne, ta hanyar amfani da tsarin zamani na ƙasa ne NSW.
- Manoma Da Dama Za Su Yi Watsi Da Fannin Noma A Taraba A 2026 -AFAN
- Ko Ka San Manyan Ƴanwasa Da Ƙasashen Da Ba Za Su Je Gasar Cin Kofin Duniya Ba?
Shugaban hukumar Dakta Abubakar Ɗantsoho, ya bayyana haka a hirarsa da manema labarai a jihar Legas.
Ɗantsoho ya bayyana haka ne, ta bakin Janar Manaja kuma mai samar da bayanai na hukumar Ikechukwu Onyemakara.
Shugaban ya ƙara da cewa, idan aka wanzar da tsarin na NSW a aikin Tashar ta jihar Legas, hakan zai taimaka matuƙa wajen magance abubuwa da dama da suka haɗa da, cunkoso da kuma samun jinkiri, wajen shigar da kaya zuwa cikin Tashar.
Da yake yin tsokaci kan taarin ETO na shigar manyan motoci cikin Tashar, shugaban ya bayyana cewa, a yanzu haka ana kan yin nazari a kansa kafin nan da, ƙare wa’adin kwangilarsa.
Ɗantsoho ya ci gaba da cewa, tsarin na ETO, an samar da shi ne, bisa nufin kawo ƙarshen ƙalubalen da ake fuskanta, musamman ga mazauna yankin Apapa, wajen shigar da kaya zuwa cikin Tashar ta jihar Legas.
Shugaban ya bayyana cewa, tsarin na ci gaba da taimaka wa matuƙa wajen ƙara inganta, ayyukan da ake gudanar wa, a Tashar da kuma magance sauran matsaloli, a Tashar.
“Bayan ƙarewar kwantiragin tsarin za mu sake yin nazari a kan kwantiragin,musamman, biyo bayan ƙorafe-ƙorafen da aka bijoro da su bisa nufin ƙara inganta ayyukan Tashar, ” Inji Ɗantsoho.
“Za a gudanar da wannan nazarin ne, tare haɗaka da hukumar ta NPA da kuma ƙungiyar manyan motoci ta TTI inda daga bisani, za a gabatar da tsarin na ETO, ”
Kan batun tsarin tantance shigar da kaya zuwa cikin Tashar Jiragen Ruwan ta jihar Legas, shugaban ya bayyana cewa, abokan huɗɗa ne,za su bayar da shawarar da ta kamata, kan tsarin da za a yi amfani da shi.
Ɗantsoho ya ci gaba da cewa hukumar za ta kuma mayar da hankali wajen ganin ta ta ƙara inganta ayyukan shigar da kaya zuwa cikin Tashar ciki har da yin amfani da layin Dogo na shigar da kaya zuwa cikin Tashar ta jihar Legas.
Shugaban ya kuma bayyana jindaɗinsa kan manufar hukumar wanda ya ce, hatta manyan gobe, suma ba za a bar su a baya wajen amfana da manufufin ba.
Ɗantsoho ya kuma yi kira ga kafafen yaɗa labarai da su ci gaba da bayar da gudunmawar su wajen sanya ido kan ayyukan ci gaba, da hukumar ke ci gaba da ƙirƙiro wa.
